SYUDAD sang Iloilo – Mahimo nga makasuhan ang mga barangay officials nga wala nagakooperar sa clearing operations sa ila nasakupan.
Suno kay Anti-squatting and Illegal Structure Division head, Love Joy Hosenilla, pwede mapasakaan sang kaso administratibo ang mga barangay officials bangud sa pagpatumbaya sang ila katungdanan.
Paandam ni Hosenilla handa sila nga mangin witness kontra sa mga barangay officials kun kasuhan sila sang Department of Interior and Local Government (DILG) sa ila pagpabaya sa mga illegal structures sa ila nasakupan.
Ginbuyagyag ni Hosenilla nga kadam-an sang mga barangay officials wala nagabulig agud masustain ang clearing sang mga public roads sa palibot sang syudad.
Nahibaluan nga sa mando sang DILG, may bag-o nga 75-day clearing operations nga liwat ipatuman sa bug-os nga pungsod.// JFranco report
Photo via Iloilo City Government
