Mga barko, roro ug pasahero sa Surigao City ug Surigao del Norte tagtugutan na makabiyahe nan Phil. Coastguard Kusganong tagpaklaro ni Master Sgt. Romelito Lomat, an Deputy Officer nan Phil. Coastguard Surigao del Norte na tagtugutan na nila an pagbiyahe sa mga barko ug roll-on roll off vessel ug mga pasahero sa tibook Surigao, ini human na tagwaya na an Storm Signal epekto nan bagyong Vinta. Hinoon tagpaklaro niini, an mga gagmay na sakyanan pandagat pareho sa mga panagatan an waya tuguti na makabiyahe resulta sa tag-isa na Gale Warning nan PAG-ASA. Sumaya pa, dagko an mga bayud na nasinati tunga-tunga sa kadagatan moabot sa 2.8 hangtud 4.5 metros an gitas-on. Dugang pa ni Lomat,.balik normal na an pagbiyahe lakip na an mga natanggong na pasahero an makauli na sa ila lugar ug maka-selebrar nan Pasko kaiban an ila mga pamilya.
