Pagadian City, Zamboanga del Sur – Ang pagluwas sa kinaiyahan nagdepende sa kontribusyon sa katawhan” Kini ang giluwatan nga mensahe ni Tito Gadon, ang assistant regional director sa Department of Environment and Natural Resources (DENR) 9, atol sa selebrasyon sa World Environment Day nga gipahigayon sa lungsod sa San Pablo ning probinsya sa Zamboanga del Sur.
Gikasubo ni Gadon nga ang mga molupyo, sa suba nagalabay sa ilang basura ug mupadulong kini sa dagat pinaagi sa kusog nga sulog sa panahon sa ting-ulan rason sa pagkaguba sa bahandi nga anaa sa kadagatan sa sama corals ug pagkahugaw sa baybayon.
Rason nga boot sa DENR nga masabtan sa katawhan ang epekto sa pagpasagad aron kini mohimo ug paagi aron mapug-ngan pa ang pagkaguba sa kina-iyahan diin usa na niini ang pag-apil sa tree planting ug clean up drive.
Mahinumduman nga kagahapon ang mga personahe sa DENR ug uban pang hingtungdan, mga ahensya sa gobyerno ug mga membro sa media ang nanguna sa paglimpyo ug pagpananom bakhaw sa Brgy. Tandubuay, San Pablo.
