General Santos City— Samdan ang duha ka mga biktimang sila si Rey Dignosanto, hamtong ang pangidaron nga residente sa Prk. Paraiso, Cannery kung asa nakaangkon kini ug 22 ka mga samad dinunggaban nga nagpabiling kritikal. samtang samdan usab ang kaubanan niining si Chalston Colino,23 anyos nga residente sa susamang lugar ug nakaangkon ug usa ka samad dinunggaban.
Sumala Kang Police Chief Inspector Aldrin Gonzales, hepe sa Polomolok Police Station nga basi sa inisyal nga imbestigasyon, pauli na ang mga biktima gikan sa kalingawan sa Brgy. Cannery dihang gipangdunggab sa may Esposado Village, Brgy. Cannery Site alas 12 pasado ang takna sa tungang gabii.
Posible matud pa nga adunay karaang bangi ang mga biktima ug ang unom ka mga suspek kung asa usa ang naila sa pangalang alyas CJ nga residente sa Prk. Sta. Cruz, Cannery.
Sa karon, ginasuta pa sa kapulisan kung mga miyembro sa gitawag nga mga batang sukarap ang mga suspek ingon man ang mga biktima nga pabiling nagpaalim sa balay tambalanan.
