i Balita
May 04. 2020
(Photo from web)
MGA BENIPISYARYO SANG SAP GINBALIK ANG NABATUN NGA KWARTA SA TUNGA SANG GINABATYAG NGA KAPIGADOHON BANGUD SA COVID- 19
Sa tunga sang gutom kag pagkakinahanglan sa kwarta sa tion sang krisis dala sang COVID- 19 pandemic, duha ka benepisyaryo sang Special Amelioration Program (SAP) ang nagbalik sang kwarta nga ila nabatun.
Isa diri nga ginadayaw subong sang publiko ang miyembro sang Indigenous People nga si Helen Segura, Pantawid member sang Brgy.Lincud ,Dingle ,Iloilo kag subong residente sang Brgy. Lip-ac , San Enrique ,Iloilo.
Nauna na nga naka claim ang bana ni Helen sang emergency subsidy nga P6,000 sa San Enrique apang sang nahibaluan sini nga indi gali pwede makaclaim ang active Pantawid member sang SAP sa LGU, nangutang ang pobre para mabalik ang P6,000 matapos nga nagasto na nila ang kwarta nga ginbakal na sang bugas.
Sa adlaw sang pag claim ni Helen sa Pantawid sa Dingle, ginpamangkot siya ni Mam Cristine Toreno Caro kon anhon niya ang 6k nga ginkuha niya sa Pantawid kag nagsabat ini nga ibayad sa gin-utangan sang kwarta.
Sa banwa naman sang Sta. Barbara ginbalik man ni Analisa Pudadera sang Barangay Inangayan, Santa Barbara, Iloilo ang nabaton nga P6,000 nga Social Amelioration Program (SAP) sang DSWD bangud ang iya bana ang nakabaton na sa Leganes, Iloilo sang kasubong nga bulig.
Ginpahayag man sini nga sandig sa guidelines sang DSWD nga isa gid lamang sa isa pamilya ang makabaton sang ayuda.
Photo Credit: LGU Sta. Barbara/ Cristine Toreno Caro
