Giklaro karon sa Philippine Health Corporation (PhilHealth) nga dili apektado sa suspension sa premium increase ang mga benipisyo nga gakadawatan sa mga miyembro sa programa sa Philhealth.
Sa interview sa RMN Malaybalay ngadto kang Merlyn Ybañez, Public Affairs Office, Chief sa Philhealth-Region X, gibutyag niya nga ang kasamtangang natagamtaman nga mga benipisyo sa mga miyembro dili apektado sa maong suspension.
Dugang ni Ybañez nga parallel sa adjustments sa premium rate, aduna usab matud pay enhancements sa mga benipisyo nga gakadawat sa mga miyembro nga bisan paman adunay suspension, padayon gihapon kining gi-implementar.
Usa matud pa sa mga programa mao ang “Konsulta Benefit Package” diin padayon karong gina-implementar nga gisugdan sa milabayng tuig 2022.
Lakip na usab diri ang outpatient package for mental health, Covid-19 benefit packages, ug uban pang enhancement sa mga outpatient benefits sa buhatan.
Facebook Comments
