Makabaton sang P10, 000.00 nga pabaon ang mga barangay health workers dire sa probinsya sa tion nga magretiro ang mga ini sa edad nga 65-anyos kag nagaserbisyo sang 10 ka tuig.
Samtang ang mga nagserbisyo sang 25 ka tuig naman ang makabaton sang P15,000.00 nga insentibo halin sa provincial government sang South Cotabato, suno kay Board Member Ellen Grace Subere Albios, Chairperson sang Committee on Health sang Sangguniang Panlalawigan.
Ini sa tion nga maaprobahan sang mga katapo sang SP ang Ordinance setting guidelines and institutionalizing the qualifications and financial support to Barangay Health Workers sa probinsya sang South Cotabato.
Apang sang Lunes nga adlaw nga regular session sang SP ginpadiffer pa ni Board Member Albios ang nasambit nga ordinansa tungod madamo pa sang klaruhon ang mga kaupdanan sini partikular na sa isyu sang insentibo sa mga health workers nga magretiro kag nagserbisyo sang malawig nga panahon kag availability sang pondo.
Base sa datos , yara sa 301 ka mga BHW sa subong ang nagaedad sang 60-anyos pataas kag yara sa 467 ka mga BHW ang nagserbisyo sang 21 ka tuig pataas.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
