TACLOBAN CITY – Naugbaw han sunog an sobra 30 nga panimalay ha Brgy. 37 Reclamation area, Tacloban City kanina han 11:00 han aga, November 2.
Sumala kan F03. Jonald Lace, BFP investigator, nagtikang an sunog ha usa nga boarding house.
Samtang, kadam-an naman han biktima han sunog in tikang pala ha sementeryo para han Kalag-kalag. An iba nahikalasan han mahibaruan nga nasunog an ira panimalay.
Ha datos naman han City Health Office, umabot ha 14 katawo an samaran.
Nagtikang an sunog han magka-kuryente na matapos an pira ka oras nga brown-out ha Tacloban.
Nagpapadayon pa an imbistigasyon han mga otoridad kun ano an hinungdan han sunog.
Gindeklara an fire-out alas 12:15 han udto.
Facebook Comments
