Davao City – Daghan gihapon sa mga nabiktima sa Repa or Pera Paluwagan ang nidangop sa buhatan sa Criminal Investigation and Detection Group (CIDG) XI.
Sa interbyu sa DXDC RMN Davao kang Criminal Investigation and Detection Group-Davao City Field Unit (CIDG-DCFU) Chief PLt. Col. Milgrace Driz, gipalawman pa nila ang inbestigasyon aron masayran ang mga nagpaluyo sa maong investment scam.
Niadtong Nobyembre 5, 5 ka mga indibidwal nga nagadawat sa mga kwarta sa investors sa REPA ang nadakpan pinaagi sa entrapment operation uban ang Anti-Scam Unit nga sila Silas Khadija Sabani, 25 anyos, Jorelyn Damih, 43 anyos, Mahimod Damih, 46 anyos, Alhaber Damih, 19 ug Amer Hadjinur, 42 anyos, mga taga-Barangay 21-C, Davao City.
Sumala ni Driz, gihan-ay nila pag-ayo sa CIDG-XI ang mga dokumentos nga magsilbing ebidensiya sa mga nabiktimang investors aron dili kini mabasura sa korte ang mga iduso nga mga kaso.
Nagpahimangno si Driz sa publiko nga dili na basta-basta mag-invest sa mga dili katuohan o too good to be true na ang porsyento sa tubo sa ilang mga kwarta, kinahanglang i-back-ground check usa nila ang mga personalidad o kompaniya usa nila isalig ang ilang mga kwarta.
RadyoMaN Aimee Guinita
