Nakahatag na sang food kag non-food assistance ang provincial government sang South Cotabato paagi sa Provincial Disaster Risk Reduction and Management Office South Cotabato kag Provincial Social Welfare and Development Office sa mga biktima sang strong wind kag natumbahan sang puno sang kahoy sa banwa sang Surallah, Banga kag Norala.
Samtang ang shelter assistance sa mga partially kag totally damage suno kay PDRRM Action Officer Mila Rivera ang ginaproseso naman sang PSWDO.
Base sa ila datos 1 ka nipa hut ang totally damage kag isa ka puluy-an ang partially damage sa banwa sang Norala tungod sa strong wind kag sa Banga 4 ka mga puluy-an ang partially damage kag isa ang totally damage nga natumbahan sang puno sang kahoy kag isa ang napatay matapos nga natumbahan sang puno sang kahoy ang ginpasilungan nga payag sa Brgy. Naci, Surallah sang nagligad nga semana.
Paklaro man ni Maam Rivera nga kon wala man gilayon sila nakahatag sang ayuda sa mga biktima ini tungod bag-o lang man napalab-ot sa ila ang report.
Samtang tungod pipila sa mga narekord nga insidente sang kalamidad ang tungod natumbahan sang kahoy iya ginaadvice sa mga nagapanag-iya sang puluy-an nga may daku nga puno sang kahoy sa balay ang triman gid agud malikawan ang anuman nga insidente ilabi na kon maghuyop ang mabaskog nga hangin.
