Gimando na ni Lambayong Mayor Andy Agduma sa Municipal Epidemiology and Surveilance Unit (MESU), PNP, BPAT ug LDRRMO sa lungsod ang hugot nga pagpatuman ug COVID-19 Contact Tracing System kon CCTS scanning sa tanan nga entry ug exit points sa maong lungsod.
Ang kamanduan sa alkalde gihimo human tmatud pa sa subli nga pagtaas sa kaso sa mga nagpositibo sa COVID-19 sa mga kasigbit nga lungsod sa Lambayong.
Kalabutan niini, temporaryo nga gidili ang pagsulod sa mga bolantero ug mga ukay-ukay ug uban pang mga baligya sa merkado publiko sa lungsod matag Market Day.
Panawagan usab sa opisyal sa tanang nagasulod sa lungsod nga magkooperate sa mga otoridad nga na-assign sa mga checkpoints pinaagi sa pagpakita sa ilang CCTS dungan sa pagsiguro sa tanan nga mga lumulupyo sa Lambayong nga gihimo nila ang tanan aron nga magpabiling Zero COVID-19 Status ang lungsod.
CTTO:
