General Santos City—Human nga miarangkada na ang Oplan Tokhang sa kapulisan sa tibuok nasud Pilipinas dayong gipatawag ni Gensan City Mayor Ronnel Rivera ang mga barangay captain labi na kadtong gilambigit sa iligal nga droga niadtong adlawng Byernes.
Matud pa kang Mayor Rivera nga human gianunsyo ni PNP Chief Ronald Bato Dela Rosa nga pormal ng pagasugdan ang Oplan Tokhang gimando niini sa mga Barangay Kapitanes nga suportahan ang kampaniya kontra iligal nga droga.
Matud pa kang Conel Barangay Kapitan Luciano Palma nga usa usab sa mitambong sa maong panagtigum nga 100% ilahang ginasuportahan ang unsa mang mga maayung mga programa di lamang ni Mayor Ronnel Rivera ingon man ang mga programa nga ginapatuman sa Duterte Administrasyon.
Kahibaluan nga niadtong milabayng tuig duha ka mga Barangay Kapitan sa Gensan ang anaa sa target list sa PDEA 12 nga silang Barangay San Jose Kapitan Abdul Rahim S. Paidumama og Tambler Kapitan Bualan.
Apan una ng gipanghimakak ni Kapitan Paidumama nga hinlu ang iyahang konsensiya og wala kini malambigit sa unsa mang mga iligal nga aktibidadis. (Emir Bariquit)
