General Santos City—gipangtanggalan ug tape ang buka sa pusil sa kapulisan sa Gensan niadtong nakalabayng adlaw.
Kahinumduman nga niadtong adlawng Sabado Petsa 16 sa bulan sa Disyembre gipahigayon ang Muzzle taping sa buka sa mga pusil sa kapulisan sa Gensan, Apan gilayon man nga gipangtanggal human nagpagawas ug kamanduan ang kampo Crame nga dili na tabunan ang mga buka sa pusil sa mga pulis sa tibuok nasud.
Sumala ni Police Chief Inspector Jovenson Bayona ang tigpamaba sa Gensan City Police Office nga ayha nahidangat sa Gensan si Pangulong Rodrigo Duterte atol sa pagtambong niini sa Birtday Party ni Sen. Manny Pacquiao niadtong Domingo, gipangtanglan na ug tape ang buka sa pusil sa mga pulis.
Una nang gibutyag ni Pangulong Rodrigo Duterte nga siya dunay salig sa kapulisan sa nasud nga dili magpabuto ug pusil Christmas mao nga dili na kinahanglan pa nga tabunan ang buka sa ilang mga pusil.
