Davao City- Nagsugod na og byahe ang ubang mga bus nga gi-andam sa lokal nga gobyerno sa syudad sa Dabaw aron muhatod sa mga pasahero nga naapektuhan sa bug-at nga trapiko sa kadalanan sa dakbayan gumikan sa padayong clearing operation sa Diversion Road Maa tungod sa landslide hinungdan nga temporaryo kining gisirad-an.
Sa interview sa DXDC RMN Davao kang Traffic Enforcer Assistant Supervisor Tamayo sa City Transport and Traffic Management Office kun CTTMO, gisulti niini nga nagsugod kaganinang alas 5 sa hapon ang pagbyahe sa ubang mga bus nga gimungtar sa may Davao City Hall.
Sumala ni Tamayo, ang napulo ka mga bus mubyahe sa Norte ug South nga bahin sa syudad gani mamahimo lang muadto ang buot musakay sa bus sa Davao City Hall.
Dugang ni Tamayo, wala pay advise gikan kang CTTMO Head Dionisio Abude og unsang orasa taman ang byahe sa mga bus karong adlawa ug kung unsang adlaw kutob ang pagbyahe niini.
Una ng giklaro sa CTTMO nga dili libre ang pagsakay sa mga bus og mu-apply gihapon ang standard fare rates.
Samtang matud sa City Information Office kun CIO, hangtod pa sa og duna pay musakay nga mga pasahero ang byahe sa mga bus diin ang routa niini padulong sa Norte nga bahin, diha sa Buhangin ug Bunawan samtang ang laing lima ka bus mubyahe sa South area diha sa Mintal, Tugbok, Calinan ug Toril gani pwede usab i-pick up ang mga pasahero diha sa dalan nga maagian sa mga bus apan sa Quezon Park ang temporaryong terminal niini.
Alang sa dugang mga klaripikasyon, mamahimong mutawag lang sa CTTMO contact number nga 298-3602.
RadyoMan Renz Barbarona
