TACLOBAN CITY – Iginsalawad han Leyte Police Provincial Office ngan Palo Leyte Police Station an warrant of arrest kontra kan Ambrosio Martillo A.K.A “Bukoy”, 58 anyos, may asawa, usa nga Brgy. Kagawad ngan residente ha Zone 6 brgy. San Joaquin, Palo, Leyte.
Ini in matapos makumpiska ha panimalay hini an tulo (3) ka piraso han blasting cap nga may marka nga triple A-1,2 ngan 3, usa ka pack han globular substance suspected nga ammoniumnitrate, usa nga ingredients hin pampasabog o pabuto nga may marka nga Triple A-4.
Maatubang hin kaso nga possession of explosive o an pagtalapas han R.A 9516.
Ngatanan nga nakompiska tikang ha suspek in may kalabutan ha mga pampasabog nga butang nga pwede makaalarma ngan maghatag hin pagkabaraka ha molupyo.
Ha pagka yana, paslak na an suspek ha Palo Police Station.
