Roxas City, Capiz – Nangin madinalag-on ang ginpatigayon nga RMN Public Service Expo 2019 kahapon nga adlaw sa Robinsons Mall sa Pueblo de Panay.
May kaangut sini, ginatos nga mga Capiznon ang nag-avail sang nagkatuhay nga mga serbisyo nga gintan-ay kadungan sang ika-67 anyos nga anibersaryo sang Radio Mindanao Network Inc(RMN).
Kapin sa 522 ang nagpakonsulta kag nahatagan sang bulong, 268 ang na-check up ang mata kag nahatagan sang libre nga eyeglasses, 120 ang sa free massage, 21 ang sa legal services kaupod ang mga abogado halin sa IBP- Capiz samtang 23 kag 22 ka bilog ang nag-inquire sa serbisyo sang PAGIBIG kag SSS.
Samtang nagpanagtag man sang 13 ka mga wheelchairs,15 mga crutches kag mga adult diapers ang Joel P Longares Foundation sa pagpanguna ni Mr Joel Longares.
Samtang yara man nagpain sang ila nga oras ang mga doktor halin sa provincial government sa pagpanguna ni Dr Elrey Garcia, mga doktor halin sa city government sa pagpanguna ni Dr Lorie Cahilog, doktor halin sa Joel P Longares Foundation kag Rotary Club of Roxas.
Antes sang dako nga aktibidad kahapon nga adlaw, nagpatigayon na sang serye sang feeding program sa mga kabataan ang DYVR sa mga pili nga day care centers sa Roxas City.
Ini ang bilang pagbalik kag pagpasalamat lamang sa mga nagasuporta kag nagapati sa RMN.
