Mga carrot farmers sa Tinoc, Ifugao, nakaranas na rin ng pagkalugi dahil sa COVID-19

Nakaranas nang pagkalugi ang maraming carrot farmers sa Tinoc, Ifugao dahil sa sobrang suplay ng kanilang produkto at kawalan ng mamimili.

Nabatid na tulad ng kamatis, bumagsak din sa ₱5 hanggang ₱10 per kilo ang halaga ng carrots sa pamilihan.

Napipilitan ding itapon ng mga magsasaka ang mga sobrang carrots dahil nabubulok na ito dahil wala nang bumibili.

Una na ring nagbagsak presyo sa ₱2 hanggang ₱5 per kilo ang kamatis sa Tinoc, Ifugao at Nueva Vizcaya dahil sa epekto ng community quarantine dahil sa COVID-19.