Davao City- Epektibo karong adlawa, magsugod na sa ilang trabaho ang tulo ka mga bag-ong Chief of Police sa tulo ka mga Police Station sa syudad alang sa pagsumpo sa kriminalidad sa ilang lugar.
Sumala ni P/Senior Supt. Alexander Tagum, hepe sa Davao City Police Office (DCPO), ang pag-revamp nila Chief Inspector Ronald Lao, Oliver Navales ug Senior Inspector Noel Villahermosa kabahin sa promotion sa ilang mga trabaho. Si Lao mao na’y hepe sa Talomo PNP hulip kang Navales kinsa madestino isip Chief Admin Legal Officer sa DCPO puli kang Police Chief Inspector Jerome de Guzman nga ibutang nga hepe sa Toril PNP sugod Lunes. Samtang pulihan si Villahermosa ni Police Chief Inspector Emerson Ogon isip bag-ong hepe sa Sasa PNP.
Usa sa gimando ni Tagum ang pagsumpo sa kriminalidad lakip na ang operasyon sa riding in tandem.
RadyoMan Bernard Pantallon
