General Santos City–Gimanduan na ni Police Col. Aden Lagradante, City PNP director sa General Santos City Police Office (GSCPO) ang walo ka mga chief of police sa syudad nga doblehon ang ilang ginahimong pagpaningkamot aron nga gilayun masulbad ang nagkataas nga insidente sa pagpangawat ug motor panahon sa bakasyon sa syudad.
Sumala pa ni Col. Lagradante nga ilaha na matud pa nga ginalauman ang pag taas sa mga pity crimes panahon sa bakasyon tungod sagad sa mga katawhan nagagawas sa ilang panimalay aron magbakasyon o magsuroy-suroy sa mall ug uban pang lugar.
Apan gipaniguro niini nga ginabuhat na sa mga imbistigador sa mga police station ang ilahang trabaho aron nga masayran kung kinsa ang anaa sa likod sa mga pag pangawat ug motorsiklo.
Dugang pa niini nga aduna naman usay na-ilhan na nga mga suspect sa pag pangarnap ug napasakaan na usab sila ug kaso sa korte. (Dave Silagan)
