General Santos City–Gipatawag ni Police Col. Aden Lagradante ang City Director sa General Santos City Police Office (GSCPO) ang tanang mga Chief Of Police sa syudad aron nga hisgutan ang nahitabong sunod-sunod nga pagpamusil patay sa syudad ingon man ang mga nagkuyanap nga mga insidente sa pagpanulis.
Sumala pa ni Police Major Rexor Canoy ang tigpamaba sa General Santos City Police Office nga gipatawag ni Col. Lagradante ang mga nasangpit nga mga Chief Of Police aron nga makahimo ug stratehiya aron nga dili na masundan ang maong mga insidente.
Gani gimanduan ni Col. Lagradante ang intelligence unit nga ilhon ang mga suspect sa mga nahitabong pagpamusil ug pagpanulis sa syudad aron nga ilahang mapasakaan ug kaso ingon man gimando usab niini nga mas pahugtan pa sa mga Chief Of Police ang ilahang pagmonitor sa ilahang Area Of Responsibility.(Dave Silagan)
