Dul-an 1 bilyon pesos na ang kinatibuk-ang kantidad sa mga cocaine nga napalgan sa kadagatan nga sakop sa Dinagat Island Province ug Surigao Area, kini human adunay dugang 9 ka mga bricks sa cocaine ang nabangalan sa mga mananagat didto sa Dinagat Island sa Surigao del Norte niadtong nakalabyang adlaw.
Bandang alas 5 ang takna sa hapon napalgan sa usa ka mananagat nga si Jouie Cabantoc ang mokabat sa 8 ka mga bricks sa cocaine nga giputos ug transparent nga cellophane nga nag-utaw utaw sa kadagatan sa Sitio Dahican, Brgy. Helen, Gibosong Island, Loreto, Dinagat Island Province. Dali kini niyang gi-turn over ngadto ni Kag. Ramil Marquito kinsa mao usab ang mitahu ngadto sa Dinagat Islands Mobile Force Company.
Samtang laiong grupo sa mga mananagat nag sila su Clyde Cabe, 36 anyos; Clark Cabe,36 anyos; Benito Cabantoc, 16 anyos ug Joselito Balbuena ang misumbong sa Loreto Municipal Police Station subay sa nakita nilang naglutaw ug silyadong bloke sa cocaine bandang alas 5:40 ang takna sa hapon.
Gumikan sa dugang cocaine nga napalgan, miabot na kini karon sa kinatibuk-an ug 190.825 kilos nga mikantidad ug 946.4 Milyon pesos sulod lamang sa pipila ka buwan.
[image: cocaine 2.jpg]
