Handa na ang mga Comelec Offices sa probinsya sang South Cotabato para sa patigayunon nga voters registration umpisa sa Agusto 1 subong nga tuig suno kay Provincial Election Supervisor Atty. Jay Gerada.
Magluwas sa magparehistro akumudaron man suno kay Atty. Gerada ang magpachange status, transfer kag pareactivate.
Sarang man nga makaparehistro ang nagaedad sang kinse anyos para sa Sangguniang Kabataan.
Bukas ang mga opisina sang comelec alas otso sang aga tubtob alas singko sang hapon Lunes tubtob Sabado nga adlaw kag bisan holiday.
May-angot sini, ginaawhag ni Atty. Gerada ang mga wala pa nakaparehistro nga magparehistro tungod tubtob lang sa katapusan sang Setyembre subong nga tuig ang voters registration.
Ang nasambit nga tikang sang Comelec ang bilang preparasyon sa Barangay kag Sangguniang Kabataan madayon man ukon indi matapos nga may proposal nga ipaiway ini.
