Gisuportahan ni Bukidnon 4th District Congressman Oniel Roque ang Anti-terrorism bill.
Sa interview sa RMN Malaybalay ngadto kang Congressman Roque gibutyag niini nga suportado niya ang balaudnon tungod kay dili siya gusto nga mahitabo pagbalik ang nahitabo sa siyudad sa Marawi nga naguba tungod sa terorismo.
Dili matud pa basta-basta mudakop ang mga pulos ug sundalo sa suspek nga gi-asukahang terorista tungod kay lakip nga mugnaon ang sa mao nga balaod ang anti-terrorism council. Kini nagpasabot nga kinahanglang lehitimong miyembro sa terorista ang sakop sa balaod.
Samtang bisan ug nag-abstain sa mao nga balaudnon apan giklaro ni Bukidnon 2 nd District Congressman John Flores nga kinahanglan sa Pilipinas ang anti-terrorism law.
Sa interview sa RMN ngadto kang Congressman Flores gibutyag niini nga alanganin siya sa mao nga balaudnon tungod kay mamahimo kining ma-abuso.
Sigun niya nga mas maayo nga kompleto ug safeguards ang mao nga balaudnon para maproktehan ang katungod sa katawhan.
Sa pikas bahin gi-uyunan usab ni Atty. Clarence Paul Oaminal, author sa manual nga Human Security Act of 2007 ang mao nga gipasang balaudnon.
Matud niya nga dili tiaw ang hulga sa terorismo maong kinahanglan na ang hugot nga balaod.
Sa interview sa RMN gibutyag ni Atty. Oaminal nga ang terorismo maoy usa sa pinaka-kuyaw nga kontra sa kalibutan maong angayan lamang nga dili pusasan ang gobyerno sa pakiggubat sa terrorismo.
Nasayran nga apil sa nag-abstain sa anti-terrorism bill sila si 3rd District Congressman Manuel Zubiri ug 1st District Congressman Maria Lourdes Acosta-
