General Santos City–Gimanduan na matud pa ni Police Col Aden Lagradante, City PNP Director sa Gensan City Police Office ang mga chief of police sa walo ka Police Station ning syudad nga mas pahugtan pa ang ilahang pagmonitor sa ilahang area of responsiobility aron nga maminusan ingon man masulbad ang nagkahitabo nga pag pamusil sa syudad.
Sumala pa ni Police Major Rexor Canoy ang tigpamaba sa General Santos City Police Office nga gilayong gipatawag sa labaw sa Gensan Police ang mga Chief Of Police sa syudad human nga maalarma na si City Councilor Edmar Yumang sa nahitabong sunod-sunod nga pagpamusil sa syudad.
Samtang buot man usab ni Col. Lagradante nga tutukan sa kapulisan ang ilahang ginahimong imbistiagsyon sa nahitabong mga krimen aron nga gilayon nga mailhan ang mga suspect ug mapakita sa katawhan ang resulta sa ilahang ginahimong trabaho.
Samtang ginasuta man usab karon sa kapulisan kung unsa katinuod ang mikatag nga mga mensahe sa cellphone nga pang tumbahon ang mga indibidwal nga dunay involvement sa droga, kawat ug holdap sa syudad.
Sumala pa ni Police Major Canoy nga sa karon padayon pa kining ginaimbistigahan sa kapulisan ug gipaabot nalang ang mamahimong resulta sa mga imbistiogasyon aron nga ipasa ngadto sa buhatan sa city director.
Dili man usab maingon ni Major Canoy kung dunay grupo sa mga hired killer nga nagalihukan sa syudad. (Dave Silagan)
