Alabel Alabel Sarangani Province- Gitugutan na sa munisipyo sa Alabel ang mga nagkadaiyang courier sa mga packages nga makasulod sa munisipyo. Kini ang gibutyag ni Alabel Mayor Vic Paul Salarda, sa iyang live facebook announcement kung asa usa sa ilang nakita nga maghuot ang mga borders sa Gensan padulong sa Alabel tungod mag-atang ang mga katawhan sa mga padala.
Dungan sa pagtugot niining makasulod aron door- to- door ang paghatud sa mga padala, kinahanglan gihapon ang striktong pagpatuman sa mga protocols aron malikayan ang unsa mang magkuyanap sa virus.
Una niini, mao ang pag mintinar sa social distancing, striktong pagsul-ob ug facemask ug face shield, samtang sa mga katawhan usab angayan lang nga adunay kaugalingong ballpen nga gamiton kung adunay pirmahan. Mipasalig usab ang Mayor nga luwas ang mga tig-deliver nmga mosulod sa Alabel, tungod kay walay local transmission sa ilang lungsod. (Bryan Oñate)
