BACOLOD CITY – Nagfile sang resolusyon ang isa ka konsehal sa Bacolod nga nagahingyo sa Local School Board kag sa City Engineers Office nga maghatag sang dugang nga comfort rooms sa tanan nga mga pampubliko nga eskwelahan sa ciudad.
Suno kay Councilor Ricard ‘Cano’ Tan nga panahon na agud magbutang sang madamo nga banyo sa mga public schools sa Bacolod bangud nga nagadamo na karon ang mga estudyante nga naga eskwela diri.
Kadungan sini, nag request man si Tan nga dapat magtigana sang dugang nga pundo ang mga buluthuan para janitorial services agud mapabilin nga matinlo ang palibot ilabi na ang mga banyo.
Sa pihak nga bahin, ginsuguran na sang Department of Education sang Negros Island Regional ang evaluation sang kapon 16 tanan ka mga school divisions para sa tuigan nga Best Brigada Implementer.
Ang amo nga award nagatuyo nga mahatagan pagkilala ang mga eskwelahan nga may maayo nga program sa idalum sang Brigada Eskwela.
