Mga Dabawenyo giagni mag Vegan Lifestyle

24

Davao City – Pipila na ka mga Dabawenyo ang miapil sa usa ka adbokasiya nga bag-ong gilunsad dinhi sa dakbayan nga giilang veganism o ang dili pagkaon og mga karne.

Matud ni Jofer Santos, usa ka Animal Rights Activist, desidido siyang muadto dinhi sa dakbayan aron mag-awhag sa mga Dabawenyo na mukaon na lamang og mga gulay o prutas imbes na karne.

Nasayran nga 8 na ka tuig na kining vegan si Santos busa wala pa kini na confine o gibati og grabe nga balati-an sa kalawasan.

Dugang ni Santos, nagabisita kini sa mga nagkalahi-lahing mga eskwelahan sa syudad lakip niini ang Mindanao Foundation Colleges sa Agdao, Ateneo de Davao University, Malayan Colleges Mindanao ug uban pa diin asa naga hatag sila og mga impormasyon kabahin sa Vegan lifestyle ug ang benepisyo niini sa kinaiyahan ug panglawas nga aspeto sa mga tao.

Nagatuo si Santos nga pinaagi niini makumbinse niya ang mga Dabawenyo nga muapil sa Vegan Group ug musuporta sa ilahang adbokasiya kontra pagpatay og mga hayop.

“Meron nang human rights, women right, why not Animal rights? In the Philippines, bago lang talaga naging active ang animal rights,” segun ni Santos.

Sa karon, naa nay kapin libo ka mga miyembro ang niapil sa ilang facebook group og 17 ka mga Dabawenyo ang giilang straight activism ug nag commit na as Vegan.

Sharon Ajoc, HCDC MassCom Intern

Facebook Comments