General Santos City–Gikumpirma ni Police Leutenant Colonel Samuel Cadungon ang hepe sa Polomolok Municipal Police Station nga anaa sa watchlist ang mga drug suspek nga silang Jeffrey Sotto Nelson Barinque ingon man si Samuel Manipon nga susamang nanimuyo sa Brgy. Poblacion Polomolok, South Cotabato kansa nasikop sa sunod-sunod nga buy bust operation sa otoridad niadtong adlaw nga Sabado sa gabie samtang nakasibat usab ang usa ka suspek nga si Ryan Yatan.
Sumala pa ni Cadungon nga dugay na nilang ginamonitor ang mga suspek apan nagapadayon lamang gihapon ug pagpamaligya ug illegal nga droga ug pinaagi usab sa tabang sa katawhan sa lugar sa paghatag ug impormasyon hinungdan nga ilahang gipahigayonan ug operasyon ug malampusong nasikop.
Kahibaloan nga nakuhaan ug mga drogas ang mga drug suspek sa ilahang posisyon atol sa operasyon ingon man marked money
Dugang pagbutyag ni Police Leutenant Colonel Samuel Cadungon nga usa sa ilang target sa operasyon nga nasikop nga si Manipon ang napriso na sulod sa kinse ka tuig tungod sa kaso niini nga murder ug usa usab kini sa miyembro sa samsung group sa Polomolok kung asa maoy responsable sa mga nahitabong pagpamusil sa naasoyng munisipyo napulo na ka tuig ang milabay.
Sa kasamtangan giandam na sa kapulisan ang kasong pagsupak sa sec.5 sa Ra 9165 kon comprehensive of dangerous drugs act of 2002 batok sa mga dinakpan. (Reynald Timario)
