Mga doctor sang Philippine Army dako ang bulig sa syudad sa pagbulong sang mga pasyente sang dengue

SYUDAD sang Iloilo – Ginpasalamatan ni Mayor Jerry Treñas ang bulig sang pito ka mga doctor gikan sa Army General Hospital sa Manila.

Nagserbe nga augmentation ang pito ka military doctors sa Iloilo city hydration unit sa La Paz maternity clinic sugod sadtong Agosto 12.

Ang hydration unit gintukod sang syudad bilang sabat sa nagataas nga numero sang dengue cases sa syudad.

Pahayag ni MGen Dinoh Dolina, Commander, sang 3ID handa nga magbulig ang mga military doctors paagi sa paghatag sang libre nga medical assistance kaangay sang konsultasyon sa mga dengue patients.

Ara sa idalum sang state of calamity ang syudad bangud sang pagtaas sang mga pasyente sang sakit nga dengue. //via Joel Franco reports

Photo via Iloilo City Government