Pagadian City – Mas gihugtan sa kapulisan sa syudad sa Pagadian ang kampanya batok sa mga tricycle drivers nga magdumili ug mamili sa pagkarga ug mga pasahero nga buot magpahatud.
Daghang mga tricycle drivers ang nasampolan gumikan sa pagbalibad niini nga magpasakay sa pasahero.
Mahinumdumang una ng mimando ang kagamhanang local dinhi sa Pagadian pinaagi sa PNP nga ireport kanila ang bisan kinsang tricycle driver nga mang snob ug pasahero, arogante ug ingon man ang overpricing kon hilabihan nga pagpataas sa pletehanan. Ang reklamo mamahimo ng ipadangat pinaagi sa pagtext ngadto sa City PNP sa CAB # , ang lugar kung asa nahitabo ug ipadala ngadto sa 0910-934-8220.
Samtang pipila usab ka mga Pagadianon ang mipasibaw sa ilang mga opinion isip pagsupak may kalabutan sa pagpangdakop sa mga tricycle driver.
Sigon sa usa ka Pagadianon, kinahanglan adunay lig-on nga edibensyang kuptan ang usa ka complainant ug hatagan ug kahigayunan ang driver nga modepensa sa ilang kaugalingon arun mamahimo kining patas.
Samtang gikalipay usab kini sa ubang mga pasahero gumikan kay pinaagi niini mas mapadali na ang ilang byahe paingon ngadto sa ilang mga trabahuanan, tulunghaan ug ingon man sa ilang tagsa-tagsa ka panimalay.
Photo Credit to Pagadian City PNP
