General Santos City—Wala matud pay planong moapil sa transport strike ang mga myembro sa AJUTSCO Jeepney Cooperative sa nga dunay rotang Gensan padulong sa Barangay Glamang Polomolok South Cotabato nga ipahigayon sa mga myembro tires piston karong adlawa dinhi sa Gensan.
Sumala pa Tatay Luding usa sa mga driver sa maong cooperatiba nga wala silay kamanduan nga nadawat gikan sa ilang lider sa kooperatiba hinungdan nga dili sila makig alayon sa maong strike ug mag padayon gihapon ang ilahang pagbyahe.
Dugang pa niini nga wala gihapoy mahatag nga ka ayohan bisan pag moapil sila sa maong tigil pasada ug posible pa nga matangalan sila ug prankisa kung mag apil-apil sila sa maong kalihokan.
Samtang nanawagan usab kini sa mga driver nga muapil sa maong kalihokan nga ug mahimo dili lang sila mang harang ug mga driver nga buot magbyahe karong adlawa. Alang kaniya mas mahinungdanon nga duna silay kita karong adlawa aron duna silay ipakaon sa ilang pamilya inay muapil apil sa transport Strike.
Nasayran nga ang tigil pasada ipahigayon dinhi sa Gensan alayon sa kamanduan sa national nga panggamhanan nga ilisan na ang mga daang unit sa mga jeep nga pampasahiruan nga gadagan diha sa kadalanan.
