Mga earthquake generators sa Region 10, normal sigun sa PHIVOLCS

Gipahayag sa Philippine Institute of Volcanology and Seismology (*Phivolcs*) region 10 nga nagpabiling normal ang mga earthquake generators sa rehiyon.

Sa interview sa RMN Malaybalay ngadto kang Phivolcs 10 Regional Director Marcial Labininay, gibutyag niini nga walay mga activity ang maong mga earthquake generators.

Matud ni Labininay nga ang mga fault line sa rehiyon mao kining musunod:


Central Mindanao Fault Line (gikan sa Gingoog City paingon sa Malaybalay Bukidnon),

Cabanglasan Fault Line (gikan sa Balingasag, Misamis Oriental paingon sa Malitbog, Bukidnon), ug:

Tagoloan River Fault Line (gikan Villanueva, Misamis Oriental paingon sa Manolo Fortich, Bukidnon).

Gibutyag pa sa regional director nga dugay na nga walay paglihok ang maong mga fault line.

Dungan niini, dili usab mabutyag sa buhatan kung kini hinog na ba o dili pa tungod kay hangtod karon walay apparatus, technology o ekipo nga kaya mo-predict kung aha ug kanus-a mahitabo ang linog.

Alayon niini, nagpahimangno si Labininay sa publiko nga dili dayon motoo sa mga gipakatag nga balita nga adunay mahitabo nga linog tungod kay kini usa ka fake news.

Gitambagan usab niini ang publiko nga dili magpakatag ug say op nga balita nga makahatag ug kahadlok sa katawhan.

Facebook Comments