Makaekspektar pa sang dugang nga ayuda ang mga apektado sang COVID -19 pandemic nga mga empleyado sang pribado nga kumpanya sa rehiyon.Ini matapos nga gin-alokaran sang P80,825,000.00 ang Department of Labor and Employment ukon DOLE 12 sa idalom sang Republic Act 11494 ukon the Bayanihan to Recover as One Act.
May-angot sini, nagalab-ot sa P42, 825,000.00 ang CAMP funds kag yara sa 8,565 ka mga empleyado nga wala nakakuha sa una nga first wave nga implementation ang makabenepisyo.
Makabaton ang benepisyaryo sang one –time P5, 000.00 cash assistance sa idalom sang COVID-19 Adjustment Measures Program (CAMP).
Paklaro naman ni DOLE 12 Regional Director Raymundo Agravante nga mangin prayoridad suno pa ang mga establishemento nga wala nakaavail sang CAMP 1 implementation kag ang nakarehistro online sa Establishment Report System paagi sa reports.dole.gov.ph,”
Samtang nagalab-ot naman sa P38 million ang pondo para sa DOLE-Tulong Panghanapbuhay para sa Ating Disadvantaged/Displaced Workers (TUPAD) program, kag yara sa 8,012 ang mangin benepisyaryo halin sa informal economy workers paagi sa 14-day cash for work. Ang TUPAD recipient’s ang macover man suno pa sang one-year GSIS insurance.
