*Quezon City – *Pinakikilos na ni QCDP District Director P. Chief Supt. Guillermo Eleazar ang kanilang mga station commanders na tutukan ang mga paaralan sa lungsod ng Quezon.
Kung maaalala, isang grade six student ang nahulihan ng 22 pakete ng marijuana sa loob ng San Antonio Elem school.
Sinabi ni Eleazar posible kasing may nagaganap naring bentahan ng ilegal na droga sa iba pang eskwelahan na dapat ngayon palang ay natutuldukan na.
Paliwanag pa ng heneral, nakakabahala na maging ang isang grade 6 student ay nagbibitbit na ng ilegal na droga.
Malaki din ang pananiniwala ni Eleazar na matagal nang nagbebenta at bumabatak sa loob ng paaralan ang nahuling estudyante.
Tila nasany na kasi aniya ito at wala ng takot base narin sa dami ng nakuhang marijuana sa kanyang bag.
