Suma ni Business Bureau Head Maribel Paguican, dili sila magduha-duha sa pag-isyu og cease and desist order batok sa mga establisyemento nga nag-operate apan walay permit gikuha sa ilang buhatan.
Giluwat ni Paguican ang maong bahad human nasuta nga dunay mga negosyo sa dakbayan nga walay business permit maong napagawasan sila og cease and desist order ug nahunong ang ilang operasyon.
Gi-awhag ni Paguican ang mga nagplano nga magnegosyo nga unahon ang paglukat ang business permit aron dili mapasirado ang ilang mga establisyemento ug masayang capital.
Miapelar sab ang opisyal ngadto sa mga wala pa maka-renew sa permit nga lihukon na kini aron malikayan ang penalty nga ipahamtang ngadto nila.
Hinoon, dunay mga negosyo nga mao pa’y pag-proseso sa business permit maong gihatagan sila og kahigayon nga mapa-expedite ang proseso aron mahimong legal ang ilang operasyon.
RadyoMaN Joel Viray
