Gipahinumduman karon ang mga establisyemento sa probinsya sa Bukidnon sa pagsunod sa ordinansa kabahin sa pagtaod ug mga close-circuit television kon CCTV Cameras.
Sa interview sa RMN Malaybalay ngadto kang Bukidnon Board Member Atty. Jay Albarece, nga maoy nag-introduce sa ordinance no. 2011-029R kon “An ordinance mandating certain establishment in the province to install CCTV Cameras or other video monitoring devices and providing penalties for the violation thereof-“ gibutyag niini nga dugay na kining nahimong ordinan sa probinsya aron mutabang sa pagsulbad ug paglikay sa krimen.
Matud niya nga anaa na sa mga kapulisan ug sa local chief executive ang pagpatuman niini, gani adunay mga pipila ka mga establisyimento ang wala naka renew sa ilang business permit tungod sa kawad-on sa CCTV.
Ilawom sa provincial ordinance 2011-029R gipabutang ang mga camera sa mga dapit nga adunay taas nga risgo sa krimen sama sa mga bangko, financial institutions, cathedral, bus terminal ug gasoline station, internet cafes, universities, hotels, inns and loding houses.
