Libre na ang tuition kag miscellaneous fees sa mga state colleges, universities kag local colleges sugod sa 2018.
Ini ang ginkumpermar ni Commission on Higher Education Commissioner Prospero de Vera.
Suno kay De Vera ini ang pinakauna nga kahigayunan nga nagpangisog ang gobyerno nga maghatag sang libre nga kolehiyo sa pampubliko nga mga eskwelahan.
Kadungan sini ginpasalig ni De Vera nga mangin estrikto ang mga public higher education institutions sang ila admission kag retention policies.
Nagakahulugan ini nga may ihatag nga cut off sa grades sang mga estudyante nga pasudlon sa public schools kag dapat may i-maintain man sila nga grades agud indi makick out sa eskwelahan.
Kabahin ini sang safeguard sang CHED agud malikawan ang congestion sa mga public schools.
