Davao City – Gidid-an na ang mga gagmay’ng lantsa nga mobiyahe gikan sa Sta.Ana Wharf paingon Talikud Island tungod sa dautang panahon dala sa bagyong Basyang.
Sumala ni Philippine Coast Guard-Davao Commander George Maganto, gidid-an usab ang biyahe sa mga mag-Island Hopping sukad kaganihang alas 5:00 sa buntag (Pebrero 12 ), bugtong gitugutan lamang ang mga dagkong lantsa nga mobiyahe paingon sa Isla Reta, Sta.Cruz ug Kaputian Island nga dunay interval nga 30 minutos.
Gidili usab ang mga mananagat sa pagpanagat, samtang gipaalerto usab ang mga nagpuyo sa mga coastal area human gipailawom sa storm signal number 1 ang mga lalawigan sa Compostela Valley Province, Davao del Norte ug Davao Oriental.
RadyoMaN Don Pulayao
Facebook Comments
