Mga gambalay nga nakatong-tong sa ‘Dacudao Fault’, angaya’ng palig-unon – OCD 11

Davao City – Gipahimangnuan sa Office of the Civil Defense (OCD) 11 ang tanang istrukturang naidentipika ug namarkahan nga nakatongtong sa fault line nga kinahanglan kining palig-onon.

Sumala ni Karlo Alexie Puerto, OCD 11 Information Officer, lisod na kini nga papahawaon busa angayang mangandam kini sa mamahimong hazard inig mulihok man ang 18 kilometros nga Dacudao fault.

Segun ni Puerto, adunay mga namuyo o nakapatindog na og mga istruktura sa wala pa nakapagula og Hazard Map sa Davao may kalabutan sa Central Fault System.

Subay niini, nakatutok ang gipahigayong Walk the Fault sa 𝗢𝗖𝗗 𝗫𝗜, 𝗗𝗢𝗦𝗧 𝗫𝗜, 𝗗𝗢𝗦𝗧-𝗣𝗛𝗜𝗩𝗢𝗟𝗖S ug 𝗗𝗮𝘃𝗮𝗼 𝗖𝗗𝗥𝗥𝗠𝗢 sa upat ka mga barangays; Barangays Catalunan Pequeño, Santo Niño, Tugbok Proper ug Catalunan Grande tungod kini ang adunay pinakadaghang mga tawo o highly populated areas sa syudad nga maapektuhan gayod kay maagian kini sa Dacudao fault line.

Giintensify ang Information, Education Campaign aron makapangandam ang mga tawo kung adunay linog.

RadyoMaN Aimee Guinita