Gihimo ang seremonyal nga pagguba sa mga gambling machines nga nasakmit sa kapolisan sa dakbayan sa Sugbu .
Sila si Cebu City Police Office director , Sr. Supt . Joel Doria ug hepe sa Directorial Staff sa Police Regional Office-7 nga si Sr. Supt. Angelito Dumanging maoy nangu sa pagguba sa mga gambling machines.
Niabot ug 330 ka video carrera ug moli-moli machines ang nasakmit sa onse ka police stations sa dakbayan sa Sugbu sa kampanya batok sa ilegal nga sugal gikan sa Enero karong tuiga hangtud na sa kasamtangan nga buwan.
Subay niini si Dumanging sa iyang mensahe namahayag nga ang pagsakmit ug pagguba sa mga gambling machines pagpakita ug commitment sa kapolisan sa kampanya batok sa sugal.
Pagtuman usab nila kini sa mando ni Presidente Rodrigo Duterte sa paghingusog sa kampanya di lang batok sa drugas kung di lakip na usab sa tanang matang sa ilegal nga sugal.
