General Santos City–Walay pusil ang iyang live-in partner, kini ang gihingusgan ni Alias Weng kapuyo ni Mamundas Climaco, legal age, nga taga purok Sugod, Barangay Apopong, Gensan kansa namatay sa nahitabong operasyon sa RPDEU human nga nisukol sa kapulisan.
Sumala niini nga dugay na silang nag puyo ug wala syay nakit-ang pusil nga gihuptan sa iyang kapuyo.
Natingala nalang siya dihang gisulti sa mga pulis nga adunay nakuhang kalibre 45 nga pistol sulod sa ilang balay.
Samtang gibutyag ni Alias Jun-jun, 6 anyos, anak sa target nga si Climaco nga iyang nakit-an nga adunay tawong mibutang ug pusil ubos sa ilang aparador.
Ang maong pusil maoy gisulti sa mga pulis nga iyaha sa iyang amahan.
Dugang pa sa 6 anyos nga naatlan nga siya milingi sulod sa ilang balay mao nga iyang nakit-an ang pagbutang ug pusil sa tawo.
Nasayran nga nagsinggit ug hustisya ang pamilya ni Climaco human kining napatay atol sa gihimong ronda sa kapulisan batok loose firearms.
