Ubay-ubay nga mga gamit panggyera nga iya sa rebelding New Peoples’ Army (NPA) ang na-recover sa tropa sa 23rd IB Phil. Army human ang lima ka minuto nga bakbakan didto sa bukirang bahin sa Esperanza, Agusan del Sur.
Daling mirespondi ang tropa sa kasundaluhan sa lugar human nadawat ang impormasyon nga adunay presensya sa mokabat 20 ka mga armadong grupo nga gitoohang ubos sa Guerilla Front Committee 8, North Central Mindanao Regional Committee diin nahitabo ang engkwentro.
Nagkatibula-ag ug panagan ang mga NPA biniyaan ang ilang mga gamit ug recover sa gihimung clearing operation ang duha ka Anti-Personnel mines, duha ka blasting caps, detonator, duha ka 20 rounds sa magazine sa M16, usa ka magazine sa cal. 45 nga pistola, usa ka trigger assembly Garand, 67 ka bala sa 7.62mm, 41 ka bala sa 5.56mm, usa ka 100 meters electrical wire, 34 ka eveready battery, usa ka Sanwa digital multi-meter, duha ka 1,000ml dextrose, usa ka Tramadol hydrochloride ampule, duha ka valid ID’s, mga pagkaon, personal nga gamit ug ubang mga subersibong dokumento.
Gikalipay ni LTC Francisco Molina, commander sa 23rd IB Phil. Army ang pagtahu sa mga sibilyan ngadto sa kasundaluhan sa presensya sa mga armadong NPA sa ilang lugar. [image: molina gamit npa.jpg]
