Davao City – Subling gipahinumdum sa kadumalahan sa Davao City Overland Transport Terminal (DCOTT) ang mga gibawal kun gidili nga dal-on sulod sa terminal labi na sa dagsa sa pasahero sa mismong adlaw sa Pasko.
Sa interbyu sa DXDC RMN Davao kang Aiza Usop, DCOTT manager, gibutyag niini nga gibawal ang pagdala og mga hinagiban kun bladed weapon, mga flammable materials ug uban pa.
Gibawal usab ang pagdala og mga endangered nga tanum nga walay permit to transport gikan sa Department of Environment and Natural Resources (DENR) ug endangered animal/s nga walay pagtugot sa City Veterinarian’s Office.
“Padayon gihapon ang atoang mga ginabawal especially those endangered species of our plants and animals,” segun ni Usop.
Samtang panawagan sa DCOTT manager nga kung aduna may masinati nga problema o reklamo sulod sa terminal mamahimong idangop kini dayon sa public assistance counter and complain desk sa entrance nga bahin sa terminal.
RadyoMaN Kirby Manzon
