Apat ka sunod-sunod nga buy bust operation ang ginhiwat sang Pavia PNP sa pagpanguna ni Police Major Jojo Tabaloc humalin kahapon sang aga tubtub kagab-i.
Nagresulta ini sa pagkadakop sa apat ka mga subjects nga konektado sa isa kag isa.
Una nga nadakpan sang Pavia PNP si Virgilio Aguas sang Hibao-an, Pavia nga nakuhaan sang pito ka sachet sang suspected shabu kag 800 pesos nga buy bust money;
Masunod nga gin-operate sang kapulisan si David Cerbesa sang Cagbang, Oton nga ginakuhaan ni Aguas sang supply kag nakuha diri ang apat ka sachet sang suspected shabu kag 1,000 pesos nga buy bust money.
Kasunod sini, nadakpan man sang mga pulis ang naga-supply kay Cerbesa nga si Bryan Falcis sang Sta. Barbara nga nakuhaan sang 1 ka bulto sang shabu nga nagabalor sang 10 mil pesos kag 1,200 pesos nga buy bust money.
Katapusan nga gin-operate sang Pavia police ang naga-supply kay Falcis nga amo si Gleo Trabasas, isa ka drug surrenderer kag graduate sang Community BaseD Drug Rehabilitation Program, sang Bolilao, Mandurriao.
Narecover kay Trabasas ang apat ka bulto sang shabu nga nagabili tanan sang 40,00 pesos.
Suno kay Tabaloc nga si Trabasas ang nagakuha sang supply sa Muntinlupa kag ginapaagi sa LBC.
