Sindangan, ZDN-Gidala sa buhatan sa DENR-CENRO Sindangan Field Office ang mga kahoyng ginabas human kini naharang sa kapulisan sa Sindangan samtang naghimo kini sila ug checkpoint didto sa may crossing Siayan ug Sindangan partikular sa may Pob. Sindangan.
Puno sa kargang mga kahoyng bakan ang Orange Kia Bonggo nagtangag sa plaka numero 120110 sa dihang naharang sa dalan.
Ang maong sakyanan gimaneho ni Riogen Tudtud Lazaga, 34 anyos taga Brgy. Langilan, San Miguel, Zamboanga del sur.
Pakyas nga nakapakita si Riogen ug legal nga papeles sa dihang gisita kini sa mga tigpatuman sa balaod, hinungdan nga sa walay pag duha-duha gilayong gi kumpiska ang mga kahoy lakip na ang gisakyan niini.
Sa pagkakaron tanggong pa sa nahisgutan nga buhatan ang mga kahoy ug sakyanan alang sa dugang beripikasyon.
