Davao de Oro – Luyo sa gihimong pagpangandam sa mga sakop sa Department of Education (DepED) Davao de Oro sa subling pagbukas sa klase, pipila ka mga ginikanan ang mipadayag sa ilang pagsupak.
Usa lang si Ailyn Gamos sa daghang ginikanan nga nagpadayag sa ilang pagsupak diin siya dunay mga anak nga nagtungha sa pampublikong tulunghaan sa elementarya sa Brgy. Poblacion, Nabunturan, nabalaka siya sa kahimtang sa iyang mga anak sa ilang pagbalik sa tulunghaan tungod kay hangtod karon wala pay bakuna batok sa COVID-19.
Supak usab si Gamos sa online classes sanglit dili tanang estudyante dunay laptop o computer, modernong klase sa cellphone ug kadaghanan nagsalig sa internet café nga hangtod karon wala pa tuguti nga mag-operate.
Sumala sa mga ginikanan nga ang edukasyon sa kabataan makapaabot man apan ang kinabuhi ang labing importante nga mapreserba karong panahona.
RadyoMaN Jules Catisay
