Davao City-Miani og kalipay ug pagdayeg gikan kang Pangulong Rodrigo Duterte ang accomplishment report nga daw dili gyod m-zerohan ang kapulisan sa ilang anti-drug operation ug aduna gayo’y mamatay sa mga drug suspek sa Luzon area sama sa Bulacan.
Daw nagpasabot nga anaa sa saktong lakang ang mga otoridad sa ilang kampanya kontra droga gumikan kay gikahimoot ug naka-uyon ang pangulo nga adunay mga namatay sa mga drug suspect.
Matud ni New Guardian Justice Impire President Doms Bangcal nga sakto ang kapulisan sa ilang ginabu-hat karon nga kung magpakita og pagsukol ang mga suspek angay lang pod baslan aron dili mabutang sa piligro ang kinabuhi sa mga tinugyanan sa balaod.
Gilabanan ni Bangcal ang kapulisan gikan sa mga akusasyon sa mga kritiko nga gituyo og patay ang mga nagdula sa droga sanglit kilangan sab daw mubalos og pusil ang mga tinugyanan sa balaod isip depensa aron dili sila ma-unhan og mabugha sa mga tigpayuhot og droga.
Gipamahayag niini nga kung bangag sa droga ang usa ka tawo dili na kini bation og kahadlok nga mupa-tay bisan og pulis pa butang nga dili angay tugutan sa operatiba nga sila ma-unhan sa mga drug pushers ug users.
Nakakita na pod og buslot ang mga kritiko sa giyera kontra droga sa gobyerno human napatay sa Caloocan City Police si Kian Delos Santos atol sa gipahigayon nga anti-drug operation.
Si Presidential Communication Undersecretary Ernesto Abella nagsulti nga silotan ang mga pulis nga mi-abuso sa anti-drug campaign ni Pangulong Duterte sama sa natigayon sa Caloocan City.
Pero kung aduna ma’y angay basulon ug tulisukon sa pagkamatay ni Kian kana dili ang mga pulis nga naghimo sa ilang trabaho inay ang mga ginikanan sa batan-on kay ipasagdan nila nga maka-uban sa gidudahang nagdula sa droga ang biktima, dugang ni Bangcal.
Subling gipalanog ni Pangulong Rodrigo Duterte nga adunay pipila ka mayors ug gobernador sa Visayas area naapil sa iyahang extended updated drug list uban sa bahad nga sa sunod pagbasa death certificate na.
Apan alang kang New Guardian Justice President Doms Bangcal nga sakto lang nga wala gisapubliko ang mga pangalan sa mga local chief executives nga apil sa drug list kay lisod na makapangandam pa sila ug dili na hinoon makuha sa anti-drug operation sa kapulisan.
Kasamang Joel Viray
