Mga government hospital sa South Cotabato ibutang sa code white alert subong nga semana santa.

Ibutang sa code white alert ang tanan nga mga government hospitals sa South Cotabato subong nga semana kadungan sang pag-obserbar sang Semana Santa, ini ang ginpahayag ni Provincial Health Officer Dr. Rogelio Aturdido Jr.
Sa code white alert, kinahanglan nga nakahanda ang tanan nga hospital manpower kasubong sang mga doctor kag nurses agud magahatag sang serbisyo medical sa tanan nga mga health related incidents nga posible magluntad subong nga semana santa.
Ginasiguro man dire ang supply sang bulong kag equipo sa emergency room.
Samtang, nagpahanumdom man si Aturdido sa mga magkadto sa mga simbahan kag sa kon diin pa man nga lugar nga indi gid pagkalimtan ang pagdala sang proteksyon sa lawas kag ilimnon nga tubig.

Facebook Comments