Davao City – Dako og pasalamat ang mga residente sa Brgy 27-C, Davao City human nga nasulbad na ang ilang problema kalabotan sa mga graba o bato nga nakapondo gawas sa usa ka panimalay nga nakaapekto sa paglabay sa mga silingan o mga motorista sa lugar.
Sa pakighinabi sa usa sa mga concerned citizens sa nasangpit nga lugar atol sa tulumanong Serbisyong Straight to the Point, nagpasalamat kini ngadto sa City Transport and Traffic Management Office kun CTTMO human nga giaksyonan na ang maong mulo ingon man sa DXDC RMN Davao nga nahimong instrumento sa pagpaabot sa concern ngadto sa hingtungdang buhatan.
Sumala pa nga limpyo ug wala nay samok sa dalan human nga nahinluan ug nakuha na ang mga bato ug graba sa dalan sa may Sta. Ana Avenue duol sa NFA XI office.
Subay niini, lauman nga mas daghan pa ang maresolba nga mga reklamo o concern pinaagi sa programang Serbisyong Straight to the Point ug alang sa pagpadala o pagpadangat sa mga mulo, mamahimong ipadala dinhi sa sibyahanan nga nahimutang sa may dalang Anda-Bonifacio o bin ba kaha i-text sa textline nga 09196648345 o mag message sa facebook fan page nga DXDC 621 RMN Davao ug paningkamutan nga maaksyonan sa DXDC team ang mga problema o reklamo gikan sa mga nagkadaiyang Brgy. sa syudad.
RadyoMaN Renz Barbarona
