Roxas City, Capiz – Gin-extend sang Government Service Insurance System(GSIS) ang amount nga pwede ma-loan bilang emergency loan.
Kun mahibaluan ang orihinal nga limit ang naglab-ot gid lamang sa P20, 000 pesos. Apang ini ang gin-extend sa P40, 000 pesos agud nga mahatagan ligwa ang mga una na nga nag-loan sa tion sang nag-agi nga Bagyong Ursula. Samtang indi na kinahanglan magkadto pa sa opisina sang mga GSIS pensioners agud magpa-reactivate sang ila status.
Suno pa kay Capiz Manager Rosenie Chavez ang pag-reactivate sang pensioners sang ila status ang mahimo nila obrahon online pinaagi sa e-mail.
Ginatawag ini nga APIR(Annual Pensioners Information Revalidation) nga kinahanglan himuon sang isa ka pensioner tagsa ka birth month sini.
Sa tunga sang COVID-19 pandemic ginpakamaayo sang GSIS nga ipaagi na lang sang mga pensioners ang ila transaksiyon online.
